Mae pob cadét yn cymeryd rhan yn y rhaglen hyfforddiant; dilynir hyn trwy gydol eu gwasanaeth. Islaw gweler amlinelliad o’r cynllun ar pob lefel. Am wybodaeth pellach, gellir lawrlwytho taflen A4, sydd ar gael drwy clicio yma. Bydd angen meddalwedd Adobe Acrobat Reader i weld y taflen; mae hyn ar gael am ddim oddi ar wêfan Adobe - www.adobe.com a cheir dewis ar gyfer systemau Windows, Mac, Linux a systemau gweithredol eraill.

Mae'r tudalen hon hefyd yn darparu ychydig o wybodaeth am gymwysterau a gydnabyddir yn genedlaethol all bob cadét dderbyn wrth gymeryd rhan yn y Rhaglen Hyfforddiant.

Cadét Dosbarth Cyntaf

I dderbyn bathodyn Cadét Dosbarth Cyntaf, mae’n rhaid eich bod wedi’i gofrestru, ac wedi gorffen y maes llafur llawn o bynciau. Mae saith pwnc i’w hastudio ar gyfer arholiad Cadét Dosbarth Cyntaf sef: Darllen Mapiau; Hyfforddiant Alldeithio Elfennol; Hanes y Llu Awyr Brenhinol; Hanes Hedfan; a Hedfanwriaeth 1.

Cadét Blaen

I ennill bathodyn Cadét Blaen, mae’n rhaid eich bod wedi eistedd a phasio arholiad Cadét Dosbarth Cyntaf, a chwblhau’r maes llafur llawn ar gyfer arholiad Cadét Blaen ynghyd â chwblhau o leiaf 25 awr o waith Prosiect. Astudir tair pwnc ar gyfer arholiad Cadét Blaen: Llywio Elfennol; Egwyddorion Hedfanaeth; a Hedfanwriaeth 2.

Cadét Uwch

I ennill bathodyn Cadét Uwch, mae’n rhaid eich bod wedi eistedd a phasio arholiad Cadét Blaen, a chwblhau’r maes llafur llawn ar gyfer arholiad Cadét Uwch ynghyd â chwblhau o leiaf 25 awr o waith Prosiect. Rhaid dewis dau bwnc o bedwar i’r arholiad yma: Llywio Awyren; Gyriad; Ymdrîn Awyren; a Radio a Radar Uwch.

Cadét Staff (Rhannau 1 a 2)

Er mwyn eistedd rhan 1 neu 2 o arholiad Cadét Staff, mae’n rhaid bod yr ymgeisydd wedi eistedd a phasio arholiad Cadét Uwch, bod o leiaf pymtheg mlwydd a chwech mis oed, wedi cwblhau maes llafur y Cadét Staff gan gynnwys hyfforddiant dinasyddiaeth swyddogol, a 25 awr pellach o hyfforddiant prosiect. Mae’n rhaid bod Cadét Staff hefyd wedi cwblhau prawf saethu Dosbarth Cyntaf o fewn y deuddeg mis blaenorol; mae’n fanteisiol iawn os mae’r cadét wedi mynychu un o wersylloedd blynyddol y Corfflu. Mae dwy rhan i’r arholiad, a rhaid dewis dau o’r pedwar pwnc canlynol: Llywio Peilot; Fframweithiau Hedfan; Hedfan Gweithredol a Chysylltiadau Lloeren. Mae’r arholiad, fel pob un o’r lleill, wedi ei osod gan Bencadlys Cadétiaid yr Awyr. Cwblheir yr ail rhan ar eich sgwadron, lle bydd eich Swyddog Staff Adain yn eich asesu ar eich gwybodaeth o’r Corfflu a thechneg darlithio.

Gwobr BTEC mewn Astudiaethau Hedfanaeth

Mae POB cadét yn gymwys i dderbyn y wobr yma. Ennillir y wobr unwaith mae’r cadét yn llwyddo i orffen maes llafur y Corfflu h.y. yn pasio arholiadau Cadét Blaen, Uwch a Staff (Rhan 1).

Rhennir pynciau’r arholiad i unedau, a rhaid cwblhau 3 uned i ennill y cymhwyster. Mae un uned, sydyn cynnwys Hedfanaeth Elfennol, Hedfanwriaeth ac Elfennau Llywio yn orfodol. Astudir yr elfennau yma fel rhan o faes llafur Cadét Blaen.

Ar gyfer y ddwy uned sy’n weddill, gellir dewis o’r pynciau canlynol, sydd yn gyfatebol i hanner uned yr un: Ymdrîn Awyren: Gyriad; Llywio Awyr; Radio a Radar Uwch; Hedfan Gweithredol; Fframweithiau Awyr; Llywio Peilot; a Chysylltiadau Lloeren.

Diploma Cyntaf BTEC yn y Gwasanaethau Cyhoeddus

Mae rhaglenni Lluoedd y Cadétiaid wedi eu cyflwyno ers blynyddoedd i helpu pobol ifanc rhwng 13 ac 18 oed i feithrin hunan-hyder a gwella sgiliau gan gynnwys Datrys Problemau, Cyfathrebu, Arweinyddiaeth a Gwaith Tîm.

Trwy rhaglen newydd a ddatblygwyd gan y “Cadet Vocational Qualifications Office” (CVQO) bellach mae gan pob cadét dros 16 oed y cyfle i ennill Diploma Cyntaf BTEC yn y Gwasanaethau Cyhoeddus – sydd yn gyfatebol i 4 TGAU gradd A* i C (4 Gradd Safonol yn yr Alban).

Ar hyn o bryd, Lluoedd y Cadétiaid yw’r unig mudiad cenedlaethol i bobl ifanc sydd yn cynnig y cyfle i ddysgu’r sgiliau gwerthfawr yma, a’r cyfle i ennill Diploma a gydnabyddir yn genedlaethol gan gyflogwyr a mudiadau Addysg Uwch.