Band yw un o’r prosiectau mwyaf i’w cael ar Sgwadron, ac yn aml bydd bandiau o unedau gwahanol yn uno er mwyn ymarfer neu i berfformio’n gyhoeddus. Dyma un o’r adegau mwyaf i gadét bod yng ngolwg y cyhoedd, gan bod band ar orymdaith ar blaen Parêd yn anodd iawn i’w golli! Mae band cadét yn gallu meddu ar gyflenwad llawn o offerynau prês, pren ac offerynnau taro, pawb yn dilyn yr arweinydd.

Yn ystod eu hamser fel aelod o fand, caiff gadét wersi i ddysgu chwarae offeryn o’i dewis, a gwersi ar agweddau o orymdeithio a ffurfiant band milwrol. Unwaith iddynt gyrraedd safon da, maent yn derbyn bathodyn sydd yn gysylltiedig i’w hofferyn, sydd yn cael ei wisgo ar yr iwnifform.

Cynhelir cystadleuaeth band flynyddol yn RAF Halton.

Mae pob cerddor ifanc yn cofio'r cymeradwyaeth gan gynulleidfa, boed un person neu llond theatr. Y teimlad yna o wedi mwynhau chwarae cyngerdd llwyddiannus, a methu â disgwyl i'r cyngerdd nesaf.

Mae yna sawl cerddor ifanc talentog o fewn Corfflu Hyfforddiant yr Awyr a phob blwyddyn, fel arfer hanner tymor mis Chwefror, mae cadétiaid gyda sgiliau chwarae da yn gallu cynnig ar wersyll wythnos yng ngholeg y Llu Awyr Brenhinol, RAF Cranwell yn swydd Lincoln.

Mae’r cadétiaid llwyddiannus yn cael gwario’u hamser yn mwynhau hyfforddiant cerddorol ac yn cael ymarfer gydag aelodau band Coleg yr Ll A B. Yr elfen mwyaf cyffrous i’r cadétiaid yw eu bod yn gweithio tuag at gyngerdd ar ddiwedd yr wythnos gyda Band y Coleg.

Er mwyn fynychu’r dewisiadau ar gyfer y gwersyll cerdd mae’n rhaid eich bod wedi cyrraedd Gradd 3, ac yn berchen ar gymeradwyaeth gan athro/athrawes gerdd neu fandmeistr.