Mae Hyfforddiant Antur yn rhan bwysig o raglen hyfforddiant Cadétiaid yr Awyr. Yn ogystal â helpu cadétiaid i feithrin ffrindiau newydd, mae hyfforddiant antur yn gyfle gwych i bobl ifanc arddangos eu rhinweddau arweinyddiaeth.

Mae yna rhaglen Hyfforddiant Antur eang iawn o fewn y mudiad – yn dibynnol ar y sgwadron yr ydych yn ymuno ag ef, gallwch flasu chwaraeon dwr, sgïo, mynydda, canwio, mae yna digon o ddewis i bawb!

Mae cadétiaid Rhanbarth Cymru a’r Gororau yn ffodus dros ben, gan bod Parciau Cenedlaethol Eryri a Bannau Brycheiniog mor hawdd i’w cyrraedd, heb sôn am fynediad i sawl afon a llyn rhagorol.

Mae yna dau Ganolfan Hyfforddiant Antur Cenedlaethol i Gadétiaid yr Awyr ym Mhrydain, gydag un ohonynt o fewn ffiniau’n rhanbarth, yn Llanbedr, Gwynedd.

Mae pob oedolyn sydd yn goruwchwylio gweithgareddau Hyfforddiant Antur yn dal cymwysterau priodol gan y Corff Reoli Cenedlaethol perthnasol.

Mae oedolion sydd eisiau arolygu gweithgaredd antur yn derbyn hyfforddiant yng Nghanolfan Hyfforddiant Antur y Cydluoedd yn Llanrwst, Gogledd Cymru. Defnyddir y Ganolfan gan aelodau’r Lluoedd Arfog a chadétiaid hefyd.

fwy o wybodaeth am gyrsiau siaradwch â Swyddog Hyfforddiant Antur eich Sgwadron, neu cysylltwch â Phencadlys eich Adain.